一向對動物都好有興趣嘅小小豬由知道有依個生物多樣性博物館就已經好期待可以去參觀，終於經媽媽我嘅努力，成功預約到一節，可以帶佢嚟香港大學見識一下各種唔同類型嘅標本。
其實整過參觀過程為45分鐘，頭5分鐘先由導賞姐姐為我地詳細講解標本種類同起源，另外最後10分鐘就教我地用顯微鏡睇蝴蝶、昆蟲特徵，姐姐講解得好清楚，所以唔止小小豬，就連我都學到嘢。自己睇標本時間其實都只係得大約30分鐘，對鐘意慢慢睇嘅小小豬真係有啲唔夠喉(佢仲要姐姐提示先好唔捨得咁走呀)，如果每一節時間可以長多少少，咁就更加好啦！
雖然依個博物館就真係唔算大，參觀時間又短左少少，不過我覺得都好值得帶小朋友入去行一轉，一次過見識到超過九千幾個標本，學小小豬都話…入去睇完真係大開眼界呀！
下一次開放預約日子係27/7(星期二) 中午12:30，有興趣前去參觀嘅朋友仔記得mark實時間去登記啦~> https://zh.hkbiodiversitymuseum.org/visits
香港生物多樣性博物館 Hong Kong Biodiversity Museum
Search